Bharatiya Ghatanecha Tu - भारतीय घटनेचा तू

भारतीय घटनेचा तू

भारतीय घटनेचा तू शिल्पकार आहे

सुगंधा परी तवं कीर्ती दिगंतात वाहे

।। धृ ।।

भक्ती - भावं श्रद्धा सुमने तुला अर्पितांना 

कंठ दाटुनिये अमुचा, पूर लोचनांना... पूर लोचनांना

तुझी स्मृती अंतःकरणी, दुःख कोरत आहे

सुगंधा परी तवं कीर्ती दिगंतात वाहे

।। १ ।।

क्षुद्र म्हणुनी जे जे मानव हीन लेखलेले

तमातुन काढून त्या तू  प्रकाशित केले... प्रकाशित केले

कोटी कोटी जनतेचा तू , मार्ग दीप आहे

सुगंधा परी तवं कीर्ती दिगंतात वाहे

।। २ ।।

चंदना परी तू झिजूनी कष्ट सोसलेस

ज्ञानसूर्य तूची अमुचा तूचं बोधी वृक्ष... तूचं बोधी वृक्ष

तुझी कथा इतिहासाला साक्षीभूत आहे

सुगंधा परी तवं कीर्ती दिगंतात वाहे

।। ३ ।।

                                    कवि : रंगराज लांजेवार

संगीत : सुरमणी डॉ. प्रभाकर धाकडे

गायक : डॉ. अनिलकुमार खोब्रागडे

Watch It 👇

भारतीय घटनेचा तू 

Video Copyrights reserved with the owner