Donach Raaje Ithe Gajale - दोनंच राजे ईथे गाजले

दोनंच राजे ईथे गाजले

दोनंच राजे ईथे गाजले कोकण पुण्य भुमीवर  - २

एक त्या रायगडावर, एक चवदार तळ्यावर  - २

॥ धृ ॥

रायगडावर शिवरायाचा राज्यभिषेक झाला

दलितांनी दलितांचा राजा महाडी घोषित केला

दोन नरमणी असे शोभले, दोन्ही विर बहाद्दर

एक त्या रायगडावर, एक चवदार तळ्यावर  - २

॥ १ ॥

शिवरायाच्या हातामधी तलवार भवानी होती

त्याचं भवानीपरी भीमाच्या हाती लेखणी होती

निनादले दोघांच्या नावे कोकणातले डोंगर

एक त्या रायगडावर, एक चवदार तळ्यावर  - २

॥ २ ॥

एक जिजा मातेने आणि एक मिरा आत्याने

क्रांती निखारे दोन फुंकले हृदयाच्या भात्याने

दीपस्तंभ हे दोन लागले वदला अरबी सागर

एक त्या रायगडावर, एक चवदार तळ्यावर  - २

॥ ३ ॥

राजाचा एक पुत्र दुजा, एक पुत्र सुभेदाराचा

दोघांचा तर एकचं बाणा होता उध्दाराचा

ईथे शिंपली, तिथे शिंपली अमृताची घागर

एक त्या रायगडावर, एक चवदार तळ्यावर  - २

॥ ४ ॥

शिवरायाने रयतेचा तो न्याय निवाडा केला

तोचं निवाडा भीमरायाच्या घटनेमाजी आला

प्रतापसिंगा परंपरेला, दोघे मारते ठोकर

एक त्या रायगडावर, एक चवदार तळ्यावर  - २

॥ ५ ॥

कवि / गायक : प्रतापसिंग दादा बोदडे

Watch it 👇