बुद्धा सवेच बा भीमा तुला वंदना

 

बुद्धा सवेच बा भीमा

बुद्धा सवेच बा भीमा तुला वंदना 
शाक्य कुला आणि तुझ्या कुला वंदना 
                                          || धृ ||
माणूस येथला आणि माणूस तेथला 
तू जोडलास त्या तुझ्या पुला वंदना
                                          || १ ||
जन्मभूमी महू तुझी विश्वात गाजले 
तू जन्मलास त्या तुझा भुला वंदना 
                                          || २ ||
दृष्टी विशाल होऊन, सृष्टीच ही करी
रामजी आणि भिमाईच्या मुला वंदना 
                                          || ३ ||
ज्या वेलीवरचे फुल मी वाहील भीमा तुला 
वामन करील त्या निळ्या फुला वंदना 
                                          || ४ ||

                       कवी : वामन दादा कर्डक