Jay Bhim Ghyawa, Jay Bhim Dyawa - जयभीम घ्यावा, जयभीम द्यावा

जयभीम घ्यावा, जयभीम द्यावा

जयभीम घ्यावा, जयभीम द्यावा  - २

सन्मानाने, स्वाभिमानाने जपावा जपावा ~ ~ ~ 

जयभीम घ्यावा, जयभीम द्यावा

।। धृ ।।

भीम स्पर्शाने झाले सोने, मुक्या जीवाला स्फुरले गाणे

भोळ्या जीवाला, साऱ्या गावाला, लागला सुगावा ~ ~ ~ 

जयभीम घ्यावा, जयभीम द्यावा

।। १ ।।

टाका मोडून, काढा तोडून, जीर्ण रुढीला द्यावे सोडून

जन्मो जन्मीचा क्रूर कर्माचा, जाळूया पुरावा ~ ~ ~ 

जयभीम घ्यावा, जयभीम द्यावा

।। २ ।।

मिळून सारे देऊ पहारे, दिन दुबळ्यांचे होऊ सहारे

निज  हृदयी, भीम सदेही, हसावा हसावा ~ ~ ~ 

जयभीम घ्यावा, जयभीम द्यावा

।। ३ ।।

तथागतांची वाट समतेची, कास धरूया प्रबोधनाची

धम्म धारणा मनोकामना, ठरुद्या विसावा ~ ~ ~ 

जयभीम घ्यावा, जयभीम द्यावा

।। ४ ।।

कवि / गायक : राम बंधु  ( खंडू अढांगळे )