Maticha Sona Kela Bhimaan - मातीचं सोनं केलं भीमानं

मातीचं सोनं केलं भीमानं 

मातीचं सोनं केलं भीमानं, अशी भीमाची जादुगिरी   - २

आले किती युग, गेले किती युग  - २

युग हे आलंय आंबेडकरी   - २

अशी भीमाची जादुगिरी ~ ~ ~ 

।। धृ ।।

आंबेडकरी युग डौलाने डोले, बोल भीमाचे सोन्यानं तोले   - २

भीमाच्या लेकी सोन्यानं साजती  - २

रूपानं दिसती गुलमोहरी  - २

अशी भीमाची जादुगिरी ~ ~ ~ 

।। १ ।।

जातीयतेनं डागाळलेली भूमी भीमानं पुणीत केली  -  २

 राजी खुशीनं शेटा भटाच्या  - २

नांदती पोरी आमच्या घरी  - २

अशी भीमाची जादुगिरी ~ ~ ~

।। २ ।।

विद्यामृताचे प्राशून प्याले,जयभीमवाले साहेब झाले  - २

कुलकर्णी, देशमुख, बापट म्हणती  - २

भीमाची पोरं हरहुन्नरी   - २

अशी भीमाची जादुगिरी ~ ~ ~

।। ३ ।।

प्रतापसिंग होऊनी दंग, भीमा - रमाचे गायी अभंग   - २

साथीला त्याच्या भजनात वाजे   - २

वाजे तुकड्याची खंजिरी  - २

अशी भीमाची जादुगिरी ~ ~ ~

।। ४ ।।

कवी / गायक : प्रतापसिंग दादा बोदडे